Llygredd Morol ac Ansawdd y Dwr

Mae ansawdd amgylcheddol arfordir Sir Benfro yn well na'r cyfartaledd, gyda mwy o Wobrau Glan Môr nag unrhyw sir arall – mae ganddi naw o draethau Baner Las a naw o draethau gwobr yr Arfordir Gwyrdd.
Nododd arolwg yn 2002 mai sbwriel a malurion eraill oedd y mater amgylcheddol a oedd yn achosi’r pryder mwyaf i drigolion Sir Benfro. Yn ogystal â bod yn hyll ac yn beryglus i iechyd y cyhoedd, gall sbwriel fod yn beryglus i fywyd gwyllt yn y môr ac ar y tir.
Mae Sir Benfro’n dueddol o ddioddef gan effaith llawer o bethau sy'n gallu llygru'r tir a'r môr. Mae yma lefel uchel o weithgareddau diwydiannol a theithiau gan longau, ac mae trychinebau olew mawr y Sea Empress ym 1996 a’r Christos Bitas ym 1978 yn celu’r problemau pob dydd sy’n gysylltiedig â gollwng olew yn ddamweiniol ac yn achlysurol i'r amgylchedd morol.
Ymhlith y materion a nodwyd yng nghyfarfodydd y grwp pwnc ar y thema yma roedd y canlynol:

• Dylid ailgylchu carthion i leihau problemau a chodi refeniw ar gyfer gwelliannau pellach.
• Mae offer pysgota masnach a hamdden sydd wedi eu colli neu eu taflu o’r neilltu yn beryglus i bobl a bywyd gwyllt, ac maent yn edrych yn hyll.
• Mae ysgarthion cwn ar y traethau, yn enwedig yn ardaloedd Newport, Dyfrffordd Aberdaugleddau a’r Daugleddau, Freshwater East a’r Parrog (Gwdig) yn niwsans cyhoeddus ac yn beryglus i iechyd.

Ged Davies o Asiantaeth yr Amgylchedd Cymru oedd cadeirydd y Grwp Pwnc hwn. I lawrlwytho adroddiad llawn ar y pwnc hwn ar ffurf PDF, gan gynnwys yr holl faterion a nodwyd yn y cyfarfodydd, cliciwch yma. Os hoffech dderbyn y ddogfen yn Gymraeg, cysylltwch â Fforwm Arfordir Sir Benfro ar 01646 696174.


SYLWCH Y BYDD ANGEN DIWEDDARU’R PAPURAU HYN YN RHEOLAIDD I ADLEWYRCHU NEWIDIADAU A FYDD YN DIGWYDD A GWYBODAETH NEWYDD A DDAW I’R AMLWG, FELLY RYDYM YN CROESAWU UNRHYW ADBORTH AR EU CYNNWYS.