Twristiaeth, Hamdden a Mynediad

Twristiaeth yw diwydiant a chyflogwr mwyaf Sir Benfro. Mae’n werth £272 miliwn i economi’r Sir. Seilir delwedd gref Sir Benfro yn y maes hwn ar ei hamgylchedd naturiol, ei hamgylchedd adeiledig a’i hanes diwylliannol. Ac, er bod tirwedd Sir Benfro yn amrywiol ac yn cynnwys mynyddoedd a chestyll, ei phrif atyniad ym meddwl y rhan fwyaf ohonom yw'r arfordir ysblennydd a digyffwrdd – ffaith y mae’r CDU ar y cyd ar gyfer 2000-2016 (Cyngor Sir Benfro/Awdurdod Parc Cenedlaethol Arfordir Sir Benfro) yn ei gydnabod.
SMEs yw’r rhan fwyaf o fusnesau twristiaeth yn Sir Benfro. Ymhlith y meysydd twf yn y diwydiant twristiaeth yn gyffredinol mae ymwelwyr sy’n dod am seibiant byr a galw cynyddol am dwristiaeth antur a mordeithiau bywyd gwyllt. Mae Bwrdd Croeso Cymru, sef y corff sy’n rheoli twristiaeth yng Nghymru yn gyffredinol, wedi comisiynu nifer o astudiaethau ac wedi cynhyrchu dogfennau strategaeth sy'n cwmpasu rhai o'r prif sectorau gweithgareddau. Yn eu plith mae Neidio i’r Cyfrwy – Strategaeth Farchogaeth i Gymru a Newid Gêr – Strategaeth Twristiaeth Seiclo i Gymru 2002 – 2007
Ymhlith y materion a nodwyd yng nghyfarfodydd y grwp pwnc ar y thema yma roedd y canlynol:
• Os ceir gwared ar elifiant (carthion) yn amhriodol, ac os bydd yna fathau eraill o lygredd o longau, fe all hyn effeithio yn andwyol ar yr amgylchedd morol ac ar fioamrywiaeth.
• Nid yw’r cyfleusterau angori a docio a’r cyfleusterau ar y glannau yn y sir i gychod hamdden yn ddigonol.
• Nid oes digon o ddarpariaeth trafnidiaeth gyhoeddus mewn ardaloedd arfordirol i annog ymwelwyr i ddefnyddio trafnidiaeth breifat yn llai helaeth.
David Reed o Fenter Busnes Sir Benfro (PBI) oedd cadeirydd y Grwp Pwnc hwn. I lawrlwytho adroddiad llawn ar y pwnc hwn ar ffurf PDF, gan gynnwys yr holl faterion a nodwyd yn y cyfarfodydd, cliciwch yma. Os hoffech dderbyn y ddogfen yn Gymraeg, cysylltwch â Fforwm Arfordir Sir Benfro ar 01646 696174.

SYLWCH Y BYDD ANGEN DIWEDDARU’R PAPURAU HYN YN RHEOLAIDD I ADLEWYRCHU NEWIDIADAU A FYDD YN DIGWYDD A GWYBODAETH NEWYDD A DDAW I’R AMLWG, FELLY RYDYM YN CROESAWU UNRHYW ADBORTH AR EU CYNNWYS.