Pecyn Cymorth Addasu i’r Hinsawdd:
Hwb Dysgu
Ar y dudalen hon, fe welwch amrywiaeth o adnoddau i’ch helpu i ddeall addasu i’r hinsawdd a pham ei fod yn bwysig i Sir Benfro. P’un a ydych yn breswylydd lleol neu’n chwilfrydig am newid hinsawdd, mae rhywbeth yma at ddant pawb i’ch helpu i ddechrau arni.
Climate Adaptation Toolkit:
Hwb Dysgu
Ar y dudalen hon, fe welwch amrywiaeth o adnoddau i’ch helpu i ddeall addasu i’r hinsawdd a pham ei fod yn bwysig i Sir Benfro. P’un a ydych yn breswylydd lleol neu’n chwilfrydig am newid hinsawdd, mae rhywbeth yma at ddant pawb i’ch helpu i ddechrau arni.
Deall Addasiadau i’r Hinsawdd a Newid Hinsawdd
Pam fod angen i ni addasu?
Mae’r hinsawdd yn newid yn gyflymach nag erioed o’r blaen, a gall y newidiadau hyn fygwth ein diogelwch, ein hiechyd a’n lles economaidd.
Er y gallwn leihau difrifoldeb newidiadau yn y dyfodol drwy dorri ein hallyriadau carbon, mae angen i ni hefyd baratoi ar gyfer ystod eang o heriau a achosir gan newid yn yr hinsawdd sydd eisoes yn digwydd oherwydd allyriadau’r gorffennol. Gallai hyn gynnwys gwneud newidiadau i’n hadeiladau fel eu bod yn llai tebygol o ddioddef llifogydd neu’n gallu gwrthsefyll stormydd a thywydd eithafol yn well.
Mae addasu yn helpu i ddiogelu bywydau a seilwaith, gan sicrhau bod pawb, yn enwedig grwpiau agored i niwed, yn gallu ymdopi’n well â newidiadau mewn patrymau hinsawdd.
Deall effeithiau hinsawdd a'r strategaeth addasu gyfredol yn Sir Benfro
Mae Cyfathrebu, Cydweithio a Meithrin Gallu wrth wraidd ymdrechion i helpu cymunedau yn Sir Benfro i addasu i newid yn yr hinsawdd.
Mae’r cyflwyniad byr hwn yn cyfleu’r risgiau cynyddol sy’n gysylltiedig â newid yn yr hinsawdd, yn amlinellu’r camau gweithredu blaenoriaeth o Strategaeth Addasu i’r Hinsawdd ar gyfer Sir Benfro, ac yn archwilio’r hyn y gall cymunedau a sefydliadau ei wneud nawr i baratoi ar gyfer y risgiau cynyddol o newid yn yr hinsawdd.
Strategaeth Addasu i’r Hinsawdd ar gyfer Sir Benfro
Mae Fforwm Arfordir Sir Benfro (PCF), Netherwood Sustainable Futures (NSF) a Bwrdd Gwasanaethau Cyhoeddus (BGC) Sir Benfro wedi datblygu strategaeth Addasu i’r Hinsawdd gyda busnesau, awdurdodau lleol a grwpiau cymunedol.
Protocol Risgiau Newid Hinsawdd ar gyfer Sir Benfro
Mae gwaith wedi dechrau i ddatblygu Protocol Risgiau Newid Hinsawdd ar gyfer Sir Benfro gyda gweithdai a chyfweliadau â rhanddeiliaid allweddol. Mae datblygu protocol yn un o 24 camau gweithredu yr ymrwymwyd iddynt yn Strategaeth Addasu i’r Hinsawdd ar gyfer Sir Benfro y Byrddau Gwasanaethau Cyhoeddus a fabwysiadwyd yn 2022.
Cyflwyniadau, Dogfennau a Gwefannau Defnyddiol
Cymerwch olwg ar yr adnoddau hyn i ddarganfod mwy am newid hinsawdd ac addasu i’r hinsawdd.
Asesiad o Risgiau Newid Hinsawdd ar gyfer Cymru (CCRA3)
Darllenwch yr Asesiad Risgiau Newid Hinsawdd ar gyfer Cymru (CCRA3) llawn i ddysgu am y risgiau allweddol.
Pecyn Cymorth Camwybodaeth yn ymwneud â’r Hinsawdd
Mae gwybodaeth anghywir wedi’i nodi fel un o’r prif achosion dros ddiffyg gweithredu ar y newid yn yr hinsawdd. Mae’r cyflwyniad hwn yn amlinellu sut y gallwn sicrhau nad ydym yn cael ein hysbysu’n anghywir am newid hinsawdd a’n helpu i gael ein negeseuon yn gywir.
Strategaeth Addasu i’r Hinsawdd ar gyfer Cymru
Ym mis Hydref 2024, cyhoeddodd Llywodraeth Cymru Strategaeth Addasu i’r Hinsawdd newydd ar gyfer Cymru.
Addasu i’r Newid yn yr Hinsawdd
Mae Llywodraeth Cymru wedi creu’r llyfryn hwn i rannu gwybodaeth am eu cynllun addasu i’r newid yn yr hinsawdd.
Gweithredu ar Newid Hinsawdd yng Nghymru – Strategaeth Ymgysylltu â’r Cyhoedd (2023-2026)
Dyma strategaeth ymgysylltu â’r cyhoedd Llywodraeth Cymru ar Newid Hinsawdd.
Rhaglen Gwydnwch Hinsawdd y DU
Mae llwyfan e-ddysgu Rhaglen Gwydnwch Hinsawdd y DU yn cynnal gwybodaeth megis gweminarau, fideos ac adroddiadau i helpu unigolion i ddeall y risgiau i’r hinsawdd presennol.
Cynlluniau Rheoli Traethlin
Mae Cynlluniau Rheoli Traethlin (CRhT) yn cael eu datblygu ar y cyd â rhanddeiliaid, gan gynnwys awdurdodau lleol, sefydliadau amgylcheddol, a grwpiau cymunedol, gan sicrhau eu bod yn adlewyrchu blaenoriaethau lleol tra’n cyd-fynd â pholisïau cenedlaethol. Mae CRhT yn anstatudol ond maent yn hanfodol ar gyfer llywio rheolaeth gynaliadwy ar yr arfordir a llywio penderfyniadau buddsoddi.
Mae Sir Benfro rhwng dau o’r Cynlluniau Rheoli Traethlin hyn a gallwch ddod o hyd i ddolenni i ddarllen mwy am eich ardal benodol chi yn Sir Benfro.
Cynllun Llifogydd Cymunedol a Thaflen ‘Ydych Chi’n Barod am Lifogydd?’
Darllenwch y canllawiau ar sut i wneud cynllun llifogydd cymunedol, a lawrlwythwch y daflen ‘Ydych chi’n barod am lifogydd?’
Awdurdod Parc Cenedlaethol Arfordir Penfro: Cynllun Datblygu Lleol (CDLl)
Awdurdod Parc Cenedlaethol Arfordir Penfro sy’n cynhyrchu’r Cynllun Datblygu Lleol (CDLl) sy’n darparu’r fframwaith cyfreithiol ar gyfer datblygu a defnyddio tir o fewn y Parc Cenedlaethol. Mae’r Cynllun yn cynnwys testun a mapiau, ac ynghyd â pholisi cynllunio cenedlaethol bydd yn llywio penderfyniadau ar geisiadau cynllunio.
Fideos Defnyddiol
Gwyliwch y fideos hyn i ddarganfod mwy am newid hinsawdd ac addasu i’r hinsawdd.
Y Swyddfa Dywydd – Y Ffeithiau ar Newid Hinsawdd
Y Swyddfa Dywydd: Mae’r blaned a’i dyfodol yn bwysig – rydym i gyd eisiau sicrhau y gall ein hanwyliaid barhau i fyw a’i mwynhau yn y blynyddoedd i ddod. Mae’r tywydd a’r hinsawdd yn rhan hanfodol o iechyd y blaned. Fodd bynnag, mae gwybodaeth anghyson yn bygwth hyn. Yn y fideo hwn, rydym yn rhannu ffeithiau a thystiolaeth am newid yn yr hinsawdd i helpu i fynd i’r afael â chamwybodaeth ynghylch yr hinsawdd.
Beth yw Sero Net?
Sut mae Cymru yn cyrraedd ei thargedau tuag at Sero Net? Mae’r pwyllgor newid hinsawdd yn rhannu cynnydd ar ein taith i Sero Net – DS Mae’r wybodaeth ddiweddaraf gan Dr Emily Pearce yn dechrau ar 3 munud:47 – Y Pwyllgor Newid Hinsawdd – adroddiad 2024 i’r Senedd
Britain Talks Climate 2024 (mewnwelediadau Cymru)
Beth yw barn pobl eraill yng Nghymru? Wel efallai y cewch eich synnu o glywed bod ‘yr awydd i weithredu ar y newid yn yr hinsawdd yn gryf ac yn barhaus’. Cliciwch yma i weld y cyflwyniad sy’n dechrau am 14:20 munud gan Emma ar raglen Britain Talks Climate (crynodeb diweddariad Cymru) 2024…
The Secret to Talking about Climate Change
Gall siarad am newid hinsawdd gyda ffrindiau a theulu fod yn heriol, ond mae’r fideo hwn yn rhannu awgrymiadau i wneud y sgyrsiau hynny’n haws ac yn fwy dylanwadol. Spoiler – y gyfrinach yw gwrando …
UQx DENIAL101x 2.2.3.1 Sea Level Rise
Mae’r fideo hwn yn esbonio sut mae cynhesu byd-eang yn arwain at ehangu thermol a thoddi iâ tir, ac yn y pen draw achosi codiad yn lefel y môr.
Three Horizons Framework: The Three Voices
Mae’r fideo hwn yn amlygu sut y gall y ‘three horizons’ weithio gyda’i gilydd i hwyluso a llywio trafodaethau am y dyfodol.
Beth yw Addasu i’r Hinsawdd?
Gall byd natur ein helpu i addasu i newid hinsawdd ac amddiffyn ein cymunedau rhag niwed, darganfyddwch sut yn y fideo hwn.
Dolenni Cyflym
Hwb Dysgu
Archwiliwch ein tudalen dysgu i ddarganfod mwy am newid hinsawdd ac addasu i’r hinsawdd.
Gweithredu Cymunedol
Darganfyddwch amrywiaeth o offer, canllawiau a deunyddiau ymarferol i gefnogi camau gweithredu addasu i’r hinsawdd yn eich cymuned yn Sir Benfro.
Rhwydwaith ar gyfer Gweithredu
Cyfeiriadur o sefydliadau sydd â chynlluniau, strategaethau ac adnoddau a all gefnogi eich cymuned.
Cysylltu â ni a Cwestiynau Cyffredin
Cysylltwch â ni heddiw neu dysgwch fwy trwy ein cwestiynau cyffredin.
Cysylltu â Ni
Funders
