Y cam cyntaf yw cynnwys eich cymuned. Gallai hyn fod ar ffurf cyfarfodydd, digwyddiadau neu brosiectau arloesol sy’n cynnwys gweledigaeth, y celfyddydau, a gweithdai’r dyfodol.

Mae tair agwedd allweddol i weithredu cymunedol ar gyfer addasu i’r hinsawdd:

• Deall Risgiau – Nodi risgiau hinsawdd penodol a allai effeithio ar eich ardal a’i chymuned. (Gweler ein Hadran Dysgu)
• Asesiad Opsiynau – Asesu’r opsiynau ar gyfer lliniaru ac addasu i’r risgiau hyn. Mae’r cam hwn yn cynnwys siarad ag ystod eang o randdeiliaid ac arbenigwyr.
• Gweithredu – Cymryd mesurau addasol i leihau effeithiau newid hinsawdd a deimlir gennych chi neu eich cymuned.

Penderfynwch pwy ddylai fod yn rhan o’r broses gynllunio – aelodau’r gymuned, arweinwyr lleol, arbenigwyr amgylcheddol, a grwpiau perthnasol eraill.

Awgrymiadau a strategaethau ar gyfer ymgysylltu â gwahanol grwpiau yn eich cymuned, gan sicrhau bod llais pawb yn cael ei gynnwys mewn ymdrechion addasu i’r hinsawdd.

Gwiriwch eich perygl llifogydd yn ôl cod post, paratowch ar gyfer llifogydd, a chofrestrwch ar gyfer rhybuddion llifogydd byw ar wefan Cyfoeth Naturiol Cymru.

Mae gan Gyngor Sir Penfro gyngor clir ar beth i’w wneud mewn argyfwng. Gallwch ddarllen am sut i ymateb i wahanol senarios yma.

Mae ein taflen A5 yn rhoi trosolwg cyflym i chi o newid hinsawdd ac addasu i’r hinsawdd. Gall y rhain gael eu hargraffu neu eu rhannu’n ddigidol gyda’ch cymuned.

Sefydlwch ddisgwyliadau a chanllawiau ar y cyd ar gyfer cyfarfodydd, gan greu gofod cynhwysol a pharchus lle mae pob llais yn cael ei glywed.

Cydweithiwch i fapio asedau lleol, risgiau, a meysydd sy’n peri pryder, gan helpu’r gymuned i weld effeithiau hinsawdd, ble maent yn debygol o ddigwydd ar fap o’r ardal leol, a beth yw’r meysydd blaenoriaeth – a chynllunio ar gyfer addasu.

Ymarfer dychmygus lle mae cyfranogwyr yn ysgrifennu cardiau post yn disgrifio cymuned yn y dyfodol sydd wedi addasu’n llwyddiannus i newid hinsawdd, gan annog meddwl creadigol am atebion.

Offeryn strategol ar gyfer archwilio gwahanol senarios yn y dyfodol, gan nodi heriau tymor byr, nodau hirdymor, a’r camau sydd eu hangen i bontio’r bwlch rhyngddynt.

Gwnewch Gynllun Argyfwng Cymunedol gan ddefnyddio’r canllaw hwn.

Yn darparu canllawiau ar ddatblygu cynllun ymateb i lifogydd wedi’i deilwra i anghenion penodol eich cymuned, gan helpu i leihau perygl llifogydd a diogelu cartrefi a busnesau.

Mae padlet ariannu PAVS yn cynnwys gwybodaeth am gyllid gan gynnwys ffynonellau, terfynau amser ac adnoddau cyllido.

Mae Cyllido Cymru yn lle gwych i ddechrau chwilio am gyllid ar gyfer eich elusen, grŵp cymunedol neu fudiad cymdeithasol. Mae ganddo gannoedd o gronfeydd ac mae’n eich helpu i ddod o hyd i’r un sydd orau i chi gan ddefnyddio eu hofferyn ‘Chwilio am Gyllid’.

Mae’r Gronfa Gweithredu ar Newid Hinsawdd – Ein Dyfodol Ni yn rhaglen ariannu gan Gronfa Gymunedol y Loteri Genedlaethol sy’n ceisio cefnogi prosiectau sy’n mynd i’r afael â newid hinsawdd, yn enwedig y rhai sy’n grymuso cymunedau i weithredu a chreu effeithiau amgylcheddol cadarnhaol. 

Mae Cronfa Datblygu Cynaliadwy Awdurdod Parc Cenedlaethol Arfordir Penfro yn cefnogi prosiectau cymunedol ym Mharc Cenedlaethol Arfordir Penfro a’r cyffiniau ar brosiectau sy’n ymateb i’r argyfwng hinsawdd a datgarboneiddio.

Mewn partneriaeth â PAVS, mae Awdurdod Porthladd Aberdaugleddau yn cynnig cronfa gymunedol sydd ar gael i fudiadau cymunedol, cynghorau tref a chymuned, elusennau a sefydliadau gwirfoddol. Mae’r gronfa’n darparu grantiau o hyd at £5,000 ar gyfer prosiectau sy’n hyrwyddo amgylchedd cynaliadwy, yn sicrhau defnydd diogel a chynhwysol o Ddyfrffordd Aberdaugleddau, ac yn cefnogi cymuned leol fywiog.